Янгиликлар

Она юрт  ишончи  йўлида  ғалаба   сари  одимламоқдамиз.....
 

         Бокс ҳам санъат ҳам спортдир. Унга қанчалик  мехр қўйиб,сир асрорини ўргансанг. У шунчалик сен учун қадрли бўлиб бораверади дейишади. Чиндан ҳам айнан  ушбу таъкидлар  Рио олимпиасида рингларида нечоғли тўғри эканлигини кўрсатмоқда.   

Рио олимпиадасининг бугунги куни  боксчиларимиз  учун маъсулиятли кечади

 
Бутун дунё ахлининг диққат марказида бўлиб турган тўрт йилликнинг нуфузли мусобақаси хисобланмиш Рои олимпиадаси ҳам тобора қизғин паллага кирмоқда. Кимнингдир қувончли онларига, яна кимнингдир аламли кўз ёшларига гувоҳ бўлаётган  катта спорт байрамида очиғини айтганда иштирок этишнинг ўзи катта бахт. 

 Спорт оламидаги энг йирик мусобақа бу олимпиада ўйинлари хисобланади,унда иштирок этиш эса  спортчиларнинг орзусидир. Бугунги кунга қадар бошқа спорт турлари қатори бокс бўйича эл мехрини қозонган кўплаб етакчи чарм қўл қоп усталаримиз айнан ушбу тўрт йилликнинг нуфузли мусобақасида  турли пробали медалларга эга бўлишган.

Риодаги Олимпия ўйинларида иштирок этаётган боксчиларимиз кетма-кет ғалабалари билан мухлису мутахассисларимизни хушнуд этиб келмоқда.
 
60 кг вазн тоифасида иштирок этаётган ҳамюртимиз Хуршид Тожибоев биринчи бўлиб рингга кўтарилди ва Қатар вакили 22 ёшли Ҳоқон Эршекерни 3:0 ҳисобида мағлубиятга учратди.

Хуршид Тожибоев навбатдаги жангини 9 август куни Тошкент вақти билан 19:30 бўлиб ўтади. Бу жангда Хуршид Тожибоевнинг навбатдаги рақиби Жозеф Кордина билан бўлиб ўтади. Хуршид Тожибоевдан фақат ғалаба кутиб қоламиз.

Ҳасанбой Дўстматов илк жангини ғалаба билан якунлади.
Олимпиаданинг бокс баҳсларида енгил вазн тоифасида иштирок этаётган ҳамюртимиз Ҳасанбой Дўстматов илк жангини ғалаба билан якунлади.
Мексикалик Хоселито Веласкесга қарши кечган баҳсда вакилимиз рақибга ҳеч қандай имконият қолдирмади ва табиийки, умумий ҳисобда 3:0 ҳисобида ғалабага эришди.
 
Энди ҳамюртмиз кейинги жангини қозоғистонлик Биржан Жакиповга қарши ўтказади. Ушбу жанг Тошкент вақти билан эртага, тунги соат 1:00 да бошланиш белгиланган. 

Олимпиаданинг бокс баҳсларида 60 кг вазн тоифасида иштирок этаётган ҳамюртимиз Хуршид Тожибоев илк учрашувини ғалаба билан якунлади.
26 ёшли боксчимиз Қатар вакили 22 ёшли Ҳоқон Эршекерни умумий ҳисобда 3:0 ҳисобида мағлубиятга учратди.

 

Олимпиаданинг бокс баҳсларида -91 кг вазнда иштирок этаётган ҳамюртимиз Рустам Тўлаганов илк учрашувини муваффақиятли тарзда якунлади.
 
Эквадорлик Хулио Сезар Кастильога қарши кечган қизиқарли учрашувда ҳамюртимиз рақибига ҳеч қандай имконият қолдирмади ва умумий ҳисобда 3:0 ҳисобида зафар қучди.
 
Қайд этиш жоиз, ушбу жанг унинг олимпия ўйинларидаги дебют учрашуви ҳисобланади.  Энди ҳамюртимиз кейинги даврада озарбайжонлик Абдулқодир Абдуллаев билан баҳс олиб боради.

Пойтахтимизда Бразилиянинг Рио-де-Жанейро шаҳрида август-сентябрь ойларида бўладиган ХХХI ёзги Олимпия ва XV Паралимпия ўйинларида иштирок этадиган Ўзбекистон спорт делегациясини кузатиш маросими бўлди.
 
Ўзбекистон Республикаси Бош вазири Ш.Мирзиёев мамлакатимизда Президентимиз Ислом Каримов раҳнамолигида барча жабҳаларда амалга оширилаётган кенг кўламли ислоҳотлар инсон манфаатлари, халқимизнинг эзгу орзу-истаклари рўёбига хизмат қилаётгани, айниқса, келажагимиз эгалари бўлган ёш авлодни жисмоний ва маънавий етук, миллий ва умуминсоний қадриятлар руҳида тарбиялашга қаратилаётганини таъкидлади. Ёш авлодни ҳар томонлама соғлом ва баркамол этиб вояга етказиш, Ватанимизнинг халқаро майдондаги обрўсини янада юксалтиришнинг муҳим омилларидан бири сифатида спортни ривожлантириш ва оммалаштиришга Президентимиз томонидан қаратилаётган доимий эътибор ўзининг юксак самараларини бераётганини қайд этиб, спорт оламининг нуфузли мусобақалари – ХХХI ёзги Олимпия ва XV Паралимпия ўйинларида спортчиларимизга муваффақият тилади.
Мустақиллигимиз шарофати билан спортчиларимиз жаҳон спорт ареналарида она Ватанимиз номидан беллашувларга чиқиб, улкан ғалабаларни қўлга киритаётгани, давлатимиз мадҳиясини баралла янгратиб, байроғимизни сарбаланд этаётгани қалбларимизга фахр-ифтихор туйғуларини бағишлайди.
Давлатимиз раҳбари ташаббуси билан спортнинг моддий-техник базасини мустаҳкамлаш, соҳанинг

Ўзбекистон Республикаси Президенти Ислом Каримов 15 июль куни Оқсаройда Халқаро ҳаваскор боксчилар уюшмаси (АIBА) президенти Чинг-Куо Вуни қабул қилди.
Чинг-Куо Ву АIBА Ижроия қўмитасининг Тошкентда ўтаётган мажлисида иштирок этиш учун мамлакатимизга ташриф буюрди. Мазкур спорт форуми Халқаро ҳаваскор боксчилар уюшмаси учун Бразилияда бўладиган Олимпия ўйинларига тайёргарликнинг якуний босқичи ҳисобланади.
Давлатимиз раҳбари меҳмонни самимий қутлар экан, АIBА ва унинг раҳбари Чинг-Куо Ву ўзининг муносиб хизмати билан дунёда кенг тарқалган боксни ва, умуман, Олимпия ҳаракатини ривожлантиришга катта ҳисса қўшаётганини алоҳида таъкидлади.
Ушбу нуфузли халқаро ташкилот Ижроия қўмитаси мажлисининг Тошкентда ўтказилаётгани муҳим воқеа бўлиб, бу жаҳон спортида Ўзбекистон алоҳида ўрин эгаллашини яна бир бор тасдиқлайди.
Чинг-Куо Ву мамлакатимизнинг жаҳон спорт майдонида обрўси ортиб бораётганини юксак баҳолади. Ўзбекистонда жисмоний тарбияни оммалаштириш ва болалар спортини ривожлантириш масаласи давлат сиёсати даражасига кўтарилгани халқаро жамоатчиликка яхши маълум. Давлатимиз раҳбарининг соғлом турмуш тарзини қарор топтириш ва ҳар томонлама етук ёшларни вояга етказишга доимий ғамхўрлик кўрсатаётгани, бу борада мақсадли ишлар амалга оширилаётгани натижасида айни пайтда 6 ёшдан 15 ёшгача бўлган болалар ва ўсмирларнинг қарийб 60 фоизи спорт секцияларига қатнамоқда. 

Бугундан бошлаб пойтахтимизда  Халқаро бокс ассоциацияси ижроия қўмитасининг навбатдаги йиғилиши ўз ишини бошлади.
Ижроия қўмитаси АИБАнинг юқори бошқарув органи бўлиб, мусобақаларни ўтказиш қоидалари ва техник низомлар, ташкилотнинг ички иш юритиш тартиби, ташкилотга аъзо бўлган  федерациялар билан ишлаш ҳамда халқаро мусобақалар мезбонларини аниқлайди.
Ушбу анжуманнинг аҳамиятли жиҳати шундаки, у илк маротаба юртимизда ташкил этилган бўлиб, йиғилишнинг дастлабки кунида АИБА бўлимларининг ҳисоботлари ўқиб эшиттирилди.  Шунингдек, Ўзбекистон бокс федерацияси раис ўринбосари  Ташматов  Шерзод  Рихсибаевич ташкилот ижроия қўмитасининг тўлақонли аъзо этиб сайланди.  Аҳамиятли жиҳати энди, Шерзод Ташматов АИБА ижроия қўмитасида кўриладиган барча масалаларда овоз бериш хуқуқига эга бўлди. Албатта бу даражадаги эътибор юртимизда бошқа спорт турлари қатори боксга ҳам берилган юқори эътирофдан  далолатдир.
Анжуман ўз ишини давом эттирмоқда. 16-июль куни ижроия қўмита аъзолари иштирокида матбуот анжумани ташкил этилиб, қабул қилинган қарорлар, низомдаги ўзгаришлар, ҳисобот натижалари  кенг жамоатчиликка эълон қилинади. 
Шуни таъкидлаш керакки, олимпия оиласига мансуб бўлган ушбу спорт тури бўйича, Рио мезбонлик қиладиган тўрт йилликнинг нуфузли мусобақасида бокс бўйича терма жамоамиз аъзолари илк маротаба тўлиқ таркиб билан рингга кўтарилишади ва юртимиз аёллар боски тарихида ҳам биринчи бор мазкур мусобақада ўз вазнида Ёдгорой Мирзаева  имкониятини синовдан ўтказади.

Шу йилнинг 4 июн куни  Бутунжаҳон бокс сериясининг   VI мавсум финал  учашувига йўлланма олган икки етакчи    "Cuba Domadores"  ҳамда   "British Lionhearts" жамоа  аъзолари  бош соврин учун  ўзаро  рўбарў келишади.  WSB АИБА, Ўзбекистон бокс федерацияси, Маданият ва спорт ишлари вазирлиги  шунингдек  Миллий олимпия қўмитаси  мусобақа ташкилотчилари ҳисобланишади. 
Ушбу  турнир хаваскор боксчиларни профессионал йўналишда ўз имкониятларини синовдан ўтказиш хуқуқини беради ва бахслар 10 та вазн тоифасида ўтказилади. Шунингдек бу  турнир  тўрт йилликнинг нуфузли мусобақасига йўлланма бериши билан ҳам ахамиятлидир. Турнир низомига кўра ҳар бир жамоа икки гуруҳга бўлинган  ва  боксчилар 3 дақиқадан иборат  5 раунд  давомида жанг ўтказади.
С1 жамоасида боксчилар: 49 кг, 56 кг, 64 кг, 75 кг, 91 кг
С2 жамоасида боксчилар: 52 кг, 60 кг, 69 кг, 81 кг, +91 кг вазн тоифаларида рингга кўтарилишади.  4 июн куни ўтказиладиган бахс ҳам 10 та вазнда ташкил этилиб мабодо жамоа аъзолари бир ҳил очкога эга бўлсалар унда қўшимча учрашув бўлиб ўтади.
Ҳурматли ОАВ ходимлари сизлар учун  ушбу катта бокс кечаси  олдидан 3-июн куни соат 10:00 да  пойтахтимиздаги “WYNDHAM TASHKENT” меҳмонхонасида  матбуот ажумани ташкил этилади.

8-май куни  ёшлар ўртасидаги  Осиё чемпионатида ғолиблар номи маълум бўлди.  Қозоғистон мезбонлик қилган ушбу қитъа биринчилигида  10 дан ортиқ мамлакатларнинг умидли боксчилари рингга кўтарилганлигидан хабарингиз бор. Жамоамиз аъзоларидан финалгача муваффақиятли етиб келганлари кўпчиликни ташкил қилди. Улар орасида  60 кгм вазн тоифасида  Билолбек Мирзарахимов  Хиндистонлик рақиби  Дахия Анкушни 3:0 ҳисобида мағлубиятга учратиб  дастлабки олтин медални жамоага тақдим этди. 69 кгм вазн тоифасида бахсларга киришган Улуғбек Собиров ҳам мезбон боксчи  Олег Майветчукни 2:1  ҳисоби билан рингдан бош эгиб чиқиб кетишга мажбур қилди. Шунингдек 81 кгм вазнда Санжар Турсунов Хиндистон жамоасининг яна бир вакили Реал Пурини олтин медалдан махрум қилди.  Жамоамиз аъзоларидан    Отабек  Холматов, Шохруз Рахимов, Абдулла Худоргановлар  Осиё чемпионатининг кумуш медаллари билан тақдирланишди.   Умумжамоа  ҳисобида  юртимизнинг ёш чарм қўл қоп усталари иккинчи ўринни эгаллашди. Вакилларимиз 10 май куни  22:00 да юртимизга қайтиб келишади.....
                            
Ғалаба муборак юртдошлар!!!

 Кеча Қозоғистонинг Павлодар шаҳридаги   “Астана” номли муз саройида Осиё чемпионатининг учинчи кунги бахслари ортда қолди. Саралаш учрашувларида ўз вазн тоифаларида юртимизнинг иқтидорли боксчиларининг барчаси яъни  Мирзарахимов Билолбек, Худорганов Абдулла, Холматов Отабек, Рустамов Шохрухбек рақибларини  рингдан бош эгиб чиқиб кетишга мажбур қилган ҳолда кейинги давра ўйинларига йўлланма олишди. Бугун ҳам жамоамиз аъзоларидан  56 кгмда  Шунқор Абдурасулов  Тайванлик Плума Вангхлакланга қарши рингга кўтарилса  81 кгм оғирликдаги вазнда  Турсунов Санжар  Туркманистонлик  чарм қўл қоп устаси билан рўбарў келади... Биз вакилларимизга ушбу жангларда омад тилаб қоламиз.....

Айни кунларда  Қозоғистоннинг Павлодар шаҳри  бокс бўйича ўсмирлар ўртасидаги Осиё чемпионатига мезбонлик қилаётганлигидан хабарингиз бор. Кеча мусобақанинг иккинчи кунги жангларида  56 кгм вазн тоифасидаги жамоамиз аъзоси Шунқор Абдурасулов рақиби Кореялик  Чои Минсуни 3 раундда техник нокаут холатига туширган бўлса, 60 кгм оғирликдаги вазндаги жангда хамюртимиз  Билолбек Мирзарахимов  таиландлик  Руамтхама Сакдани рингдан бош эгиб чиқиб кетишга мажбур қилди. Шунингдек ўз вазнида  Зиёдбек Ўролов ҳам 3:0 хисоби билан рақиби  Япониялик  Аромото Иссеи устидан ғалаба қозонди....

Афсуски  52 кгмда бахсларга киришган  Рахматилла Қўзиев эса   Тсутсуми Хоято қаршилигини  енга олмай мусобақани шу ерда тўхтатишга мажбур бўлди...        

Бугун   рингга  умидли боксчиларимиздан   60 кгм вазн тоифасида  Билолбек Мирзарахимов, Филлипинлик  Чеваса Рональда билан, +91 кгмда Суриялик Ахмад Серейха билан, 49 кгмда Отабек Холмматов эса Тайванлик Хсу Ченг-Ю билан шунингдек  75 кгмда  Шоҳруҳ Рустамов эса Эрон давлати шарафини химоя қилаётган  Ризо Хусан Ния   билан кейинги босқичга чиқиш масаласини ҳал қилиб олишади....Умидли ёшларимизга ушбу бахсларда омад тилаб қоламиз.....

5-6 май кунлари Кубанинг Гавана шаҳрида  The World Series Boxing (WSB), яъни Бутунжаҳон Бокс сериясининг олтинчи мавсум ярим финал жангларида юртимизнинг  “Uzbek Tigers” жамоаси, “Cuba Domadores”жамоаси аъзоларига қарши рингга кўтарилишади. 5-май куни С1 гуруҳида 5 та жанг ташкил этилади.  Унга кўра

49 кг: Мирзахмедов Нодиржон - Аргилагос Джаханос
56 кг: Ахмадалиев Муроджон – Ромирез Робейси
64 кг: Ғоибназаров Фазлиддин – Олива Генер Луис
75 кг: Хақбердиев Улуғбек – Лопес Арлен
91 кг: Хасанов Мирзабек – Савон Эрисленди билан рўбарў келишса


6- май  куни  С2 гуруҳида:
 
52 кг: Қодиров Аброржон – Вейтиа Эосбани,
60 кг: Абдураимов Эльнур – Алварез Эстрада,
69 кг: Ғоипов Махмуд – Эглесиас Рониэль,
81 кг: Абдуллаев Шухрат – Ла Круз Джулио,
+91 кг: Абдуллаев Мирзохиджон – Перо Джустиз Лениер билан  муносабатларга ойдинлик киритиб олишади.

Агарда ушбу учрашувлар натижасига кўра томонлар  бир хил балл тўплашган бўлса унда  ғолиб жамоа номини  52 кгм вазн тоифасидаги  Улуғбек Дўсмуродов ва  Мартинез Раби Армандолар жангидан сўнг маълум бўлади.... бу жангларда биз юртимизнинг етакчи боксчиларига омад тилаб қоламиз.
            
Эслатиб ўтамиз иккинчи ярим финал учрашувида  Қозоғистонлик боксчилар Буюк Британия  жамоаси билан финал йўлланмаси учун харакат қилишади... 

Айни кунларда  Қозоғистоннинг Павлодар шаҳрида бокс бўйича ўсмирлар ўртасидаги Осиё чемпионати кучлиларни саралмоқда. Мазкур мусобақада қитъамизнинг 18 давлатидан 113 нафар ёш чарм қўлқоп усталари ғолиблик учун рингга кўтарилишяпти. Дастлабки саралаш жангларини  49 кг. ва 75 кг. вазн тоифасидаги боксчилар  бошлаб беришди. Унга кўра  49 кг.да юртимиз шарафини ҳимоя қилаётган Отабек Холматов илк жангини Шри-ланкалик Поди Араччиге Рукмалга қарши ўтказиб 3:0 ҳисобида  кейинги босқичга йўл олди.  Бугун эса  56 кгм вазн тоифасидаги жамоамиз аъзоси Шунқор Абдурасулов Кореялик  Чои Минсу билан, 64 кгмда Зиёдбек Ўролов, Япония жамоасидан Аромото Иссеи билан муносабатларга ойдинлик киритиб олса, 52 кгмда Рахматилла Қўзиев ҳам кун чиқар юрт вакили  Тсутсуми Хоято, 60 кгм оғирликдаги вазнда  эса  Билолбек Мирзарахимов  таиландлик  Руамтхама Сакдага қарши рингга кўтарилишади.      

Осиё чемпионатида иштирок этадиган терма жамоамиз аъзолари:

49 кг.: Отабек Холматов

Аввал хабар берганимиздек, The World Series Boxing (WSB), яъни Бутунжаҳон Бокс сериясининг олтинчи мавсумида муваффақиятли иштирок этаётган “Ўзбек йўлбарслари” жамоаси чорак финалда Россиянинг “Russian Boxing Team” жамоаси меҳмони бўлиб, 6:4 ҳисобида ғалаба қозонган эди. Энди ушбу мусобақада илк маротаба қатнашаётган жамоамиз ярим финал баҳсини Куба пойтахти Гавана шаҳрида ўтказади. Бундай қарорга мусобақа ташкилотчилари келишган. 5 ва 6 май кунлари Гаванадаги “Coliseo Ciudad Deportiva” аренасида  “Uzbek Tigers” жамоаси “Cuba Domadores” боксчиларига қарши рингга кўтарилади.   Дастлабки кун 5та, 6 май куни эса яна 5та вазн тоифасида жанглар ташкил этилади. Икки кунлик жанглар натижасига кўра финалга йўлланма олган жамоа номи маълум бўлади. Куба жамоаси чорак финалда Мексика боксчиларидан 10:0 ҳисобида устун келганди.Маълумотларга кўра, Гаванага терма жамоамизнинг етакчи боксчиси, 49 кг вазн тоифасида Рио-2016 Олимпиадаси йўлланмасини қўлга киритиб улгурган Ҳасанбой Дўсматов бормайди. Терма жамоа мураббийлари Олимпиада олдидан эҳтимолли жароҳатларнинг олдини олиш мақсадида асосий таркиб боксчиларига дам беришлари ҳам мумкин.

23 апрел куни  Россиянинг Уляновск шаҳридаги “Волга- спорт- Арена” муз саройида чорак финал баҳсларининг VI мавсумидаги The World Series Boxing (WSB)  жамоавий турнири ўтказилди.  Унда Юртимизнинг  "Uzbek Tigers" чарм қўл қоп усталари  Россиянинг  "Russian Boxing Team" жамоасига қарши рингга кўтарилишди. Шундай қилиб С2 гуруҳридаги 5 та жангда кучлилар сараланди. Унга кўра  

52 кг: Зоиров Шахобиддин - Карен Арутюнян - 3:0
60 кг: Абдураимов Эльнур - Джамал Бадрутдинов - ТКО 2R,
69 кг: Ғиёсов Шахрам - Альберт Карибян - 0:3,
81 кг: Абдуллаев Шухрат - Имам Хатаев - 0:3,
+91 кг: Абдуллаев Мирзохиджон - – Андрей Афонин - 3:0.
натижаси  билан Ўзбек йўлбарслари  зафар қучишди....   Ғалаба муборак боксчилар!!!

Энди  "Uzbek Tigers"жамоаси хақли равишда  ярим финалда иштирок этишади.  Бу учрашувда етакчи боксчиларимиз  чорак финалда Мексика жамоасини рингдан бош эгиб чиқиб кетишга мажбур қилган  Куба жамоаси билан рўбарў келишади.  Жамоавий Жаҳон чемпионатининг  иккинчи жуфтлик ярим финалида   Қозоғистон ва Буюкбритания  жамоалари  финал йўлланмаси учун рингга кўтарилишади. Бугун 25 апрел куни куннинг иккинчи ярмида жамоамиз аъзолари юртимизга қайтиб келишади.  

22 ва 23 апрель кунлари Россиянинг Ульяновск шаҳридаги “Волга-Спорт-Арена” муз саройида Бутунжаҳон Бокс серияси (WSB) олтинчи мавсуми чорак финали доирасидаги марказий учрашув бўлиб ўтади. Унда мусобақада илк маротаба иштирок этаётган “Uzbek Tigers”, яъни “Ўзбек йўлбарслари”  жамоаси Россиянинг “Russian Boxing Team” жамоаси меҳмони бўлади.
“Ўзбек йўлбарслари” жамоаси гуруҳда иккинчи ўринни эгаллаган бўлса, россиялик боксчилар ўз квартетлари ғолибига айланишган эди. “Ўзбек йўлбарслари” таркиби терма жамоамиз делегацияси Ульяновск шаҳрига жўнаб кетишидан икки кун олдин эълон қилинади.
Эслатиб ўтамиз, Бутунжаҳон Бокс сериясининг VI мавсуми якунида шахсий рейтинг бўйича 10та вазн тоифасида 17 нафар боксчига олимпия ўйинлари йўлланмалари тақдим этилади.