Янгиликлар

29 август  баҳслардан сўнг мусобақанинг барча ярим финалчилари  маълум бўлди.  Кеча оқшом  ўтказилган  баҳсларда  барча 9 боксчимиз рингга  кўтарилди  ва  улардан  6  нафари  ғалабага эришиб, ярим финалга йўл олди.

Одатда ҳакамларга  нисбатан  одил дея баҳо беришади лекин ютуқ бўлиб турган вақтда ҳам нотўғри баҳо беришсачи унда нима дейиш мумкин?...  Чорак финалда рингга кўтарилган кучли боксчиларимиздан бири  Исроил Мадримов айнан  ҳакамларнинг хатоси туфайли  Жаҳон чемпионатини   чорак финалдан тарк этишга мажбур бўлди.  Баҳодир Жалолов ва Элнур Абдураимов  эса  рақибларига  жангда  мағлуб  бўлишди.   Ярим финалга етиб келган Ҳасанбой Дўсматов, Жасурбек Латипов, Иқболжон Холдоров, Шаҳрам Ғиёсов, Санжар Турсунов ва Бектемир Мелиқўзиев жаҳон чемпионатининг камида бронза медалини нақд қилишди. Ярим финал баҳслари 31 август ва 1 сентябрь кунлари ўтказилади. Унга кўра

49 кг. Ҳасанбой Дўсматов - Мартинес-Ривас (Колумбия)

52 кг. Жасурбек Латипов - Ким Инк Ю (Жанубий Корея)

64 кг. Иқболжон Холдоров - Фредус Рохас (АҚШ)

69 кг. Шаҳрам Ғиёсов - Аблаихан Жуссупов (Қозоғистон)

81 кг. Бектемир Мелиқўзиев - Жозеф Вард (Ирландия)

91 кг. Санжар Турсунов - Евгений Тишенко (Россия, олимпиада чемпиони) билан финал йўлланмаси учун бахсларга киришади.

Бугун Жаҳон чемпионатида чорак финал жанглари ўтказилади. Ўзбекистонлик боксчилар 9 вазн тоифасида рингга кўтарилишади. Маъсулиятли ва жиддий жангларда вакилларимизни қўллаб қувватланг!!!
 52 кгвазнда Жасур Латиповнинг чорак финалдаги рақиби Колумбиялик Авилла Сегура Себер бўлади.
    81 кгмдаги боксчимиз Бектумир Мелиқўзиев  Қозоғистонлик  Эрик Алжанов билан рўбарў келади.
         69 кгмдаги ҳамюртимиз Шаҳрам Ғиёсов Англиялик Пат Маккормак билан ярим финал йўлланмаси учун жанг  олиб боради.
         60 кгмдаЭлнур Абдураимов  Грузиялик Отар Эраносянга қарши рингга кўтарилади.
         64 кгмда Иқболжон Холдоров мезбон боксчи Артём Харутюнан билан
         +91 кгмдаБаҳодир Жалолов Қозоғистонлик Камишбек Кункабаев
          49 кгмда   Ҳасанбой Дўсматов Хиндистонлик Амит билан
          75 кгмда  Исроил Мадримов эса АҚШлик  Трой Ислей билан
          Шунингдек 91 кгмда  ёш  иқтидорли боксчимиз Санжар Турсунов эса   Голландиялик Рой Корлин билан бахсларга киришади......        

Кеча  Германия рингларида  навбатдаги жанглар давом этди ва вакилларимиздан 5 нафари  кейинги босқич йўлланмаси учун жанг олиб борди.  Тажриба борасида анча маҳоратга эга бўлган ва  60кг  вазнда рингга кўтарилган  Элнур Абдураимов  Арманистонлик   рақиби  Карен Тонаканяни Жаҳон чемпионатини тарк этишга мажбур қилди.  69 кгача  бўлган вазндаги боксчимиз Шаҳрам  Ғиёсов ҳам  Украина вакили  Евгений Барабановга қарши рингга  кўтарилди. Ушбу жангда ҳамюртимиз 5:0 ҳисобида ғалабага эришди ва кейинги босқичга йўл олди.  Энг бўйдор боксчимиз Баҳодир Жалолов ўз баҳсини ажойиб тарзда бошлади +91 кг вазн тоифасидаги вакилимиз илк жангида даниялик Ким Лерсенга қарши жанг олиб борди ва рақибини муддатидан аввал нокаут холатига туширди.  Юртимиз шарафини ҳимоя қилаётган тажрибали  боксчимиз Жасурбек Латиповнинг   рақиби Европа чемпиони болгариялик  Даниэль Асенов бўлди. Мураккаб кечган жангда Латипов кучли рақибини 3:2 ҳисобида мағлубиятга учратди. Айтиб ўтишжоиз, америкалик рефери учинчи раундда Жасурбекдан бир очко олиб ташлаганди. Шунга қарамай, якунда икки раунддаги мутлоқ устунлик эвазига ғалаба ҳамюртимизга тақдим этилди.  Қуръа натижасига кўра, -81 кг вазн тоифасидаги ҳамюртимиз, Рио Олимпиадаси кумуш медали совриндори, Осиё чемпиони Бектемир Мелиқўзиев ўз вазн тоифасида иккинчи рақам остида сараланди. У жангда  россиялик Муслим Гаджимагомедовни 4:1 ҳисобида мағлубиятга учратди.  Шу тариқа вакилларимиз учун навбатдаги кун  муваққафиятли якунланди.

  Дунё биринчилигида фақат  ўз юртининг кучли чар қўл қоп усталари ғолиблик учун рингга кўтарилишади. Шундан бўлса керак ҳар бир вазн тоифасидаги жанглар муросасиз кўриниш олади.  Бугун  Жаҳон чемпионатининг  навбатдаги куни  ва дастурга кўра терма жамоамиз аъзоларининг  5  нафар  аъзоси  рингга кўтарилади.  Жумладан  60кг вазнда  Элнур Абдураимов – Арманистонлик  Карен Тонаканян билан,  69кгда  Шаҳрам Ғиёсов – Украина шарафини химоя қилаётган  Евгений Барабанов билан  +91кгда  Баҳодир Жалолов – Даниялик  Кем Ларсенга қарши, 52кгда эса  Жасурбек Латипов – Болгария терма жамоаси аъзоси  Даниэль Асенов билан  шунингдек  81кг вазнда  иқтидорли боксчимиз  Бектемир Мелиқўзиев Россиялик  Муслим Гажимагомедов билан кейинги босқич масласини ҳал қилиб олишади.  Вакилларимизга омад тилаб қоламиз!
 
     Кеча 27 август куни Рио олимпиадаси чемпиони Хасанбой Дўсматов Коста –Рикалик рақиби Родригес Робинсонни 5:0 ҳисобида мағлубиятга учратиб кейинги босқичга йўлланма олди. Ёш боксчиларимиздан бири  Иқболжон Холдоров  ҳам  Колумбиялик  Джон  Гутиерсни имкониятсиз қолдиришнинг уддасидан чиқа олди. Тажрибали боксчимиз  Исроил Мадримов эса Туркманистонлик рақиби Азиз Очиловни  учинчи раундда техник нокаут холатига туширди.  91 км вазнда илк бора Жаҳон чемипонатида қатнашаётган боксчимиз Санжар Турсунов Аргентиналик спортчини рингдан бош эгиб чиқиб кетишга мажбур қилди. 

Олимпия ўйинлари дастуридан жой олган  спорт турлари бўйича  мутахассисларнинг таъқидлашича тўрт йилликнинг нуфузли мусобақасига нисбатан Жаҳон чемпионатида кучлилар қаторидан ўрин эгаллаш мушкулроқ. Юртимизнинг етакчи чарм қўл қоп усталари жиддий синов олдида.... Жаҳон чемпионатида дунёнинг 80 дан ортиқ мамлакатларидан кўзга кўринган чарм қўл қоп усталари 10 та вазн тоифасида чемпионлик учун баҳсларга киришади.  Қуръага кўра илк   жангни   -91 кг вазн тоифасидаги ҳамюртимиз Санжар Турсунов бошлаб беради ва  19 ёшли боксчимизнинг рақиби никарагуалик Жеффри Гонсалес бўлади. Биринчи давра учрашувлариданоқ рингга кўтариладиган чарм қўлқоп устамиз Гонсалес устидан ғалабага эриша олса, уни иккинчи даврада аргентиналик Ямил Пералта қарши олади. Энди терма жамоамизнинг қолган аъзоларига тўхталиб ўтамиз.   
Қуръа натижасига кўра, энг оғир – +91 кг вазн тоифасидаги ҳамюртимиз Осиё чемпиони Баҳодир Жалолов жаҳон чемпионатида биринчи рақам остида рингга кўтарилади.  У тўғридан-тўғри иккинчи

Шу кунларда  бокс  бўйича  терма  жамоамиз аъзолари  25 августдан 2 сентябргача Германияда ўтадиган жаҳон чемпионати олди тайёргарлик ўқув машғулотларини  Тошкент вилояти, Янгиобод ўқув базасида ўтказишмоқда. Йиғинда биринчи рақамли спортчиларимиз қатори 2 ва 3 гуруҳ  боксчиларимиз ҳам иштирок  этишмоқда. Дастлабки  иккита  босқичда   тажрибали  мураббийлар асосан спортчиларимизнинг умумжисмоний тайёргарликларига катта эътибор берган бўлсалар, учинчи босқичда эса рақиб билан  ишлаш, техник ва тактик маҳоратни  ҳамда чидамлиликни ошириш бўйича мукаммаллашган дастур асосида кунига икки маҳал уч соатдан машғулотларни олиб боришяпти. Тажрибали мутахассис, терма жамоа  бош мураббийи Марат Қурбонов, ёрдамчи мураббийлар Раҳматжон Рўзиохунов шунингдек Тўлқин Қиличев каби 10 га яқин мураббийлар бригадаси ҳар бир боксчимиз билан тинимчиз иш олиб бормоқда. Албатта Рио олимпиадасидан сўнг ўзбек боксчилари билан тенглашишни ният қилган жамоалар кўпчиликни ташкил этади. Жамоамиз ҳам шунга яраша тайёргарликка зўр беришган.  Асосий таркиб боксчиларимиз дунё биринчилиги олдидан 7 август санасида иқлимга мослашиш ва сўнгги йиғинни ўтказиш учун Германияга йўл олишади.  Демак Жаҳон чемпионатида юртимиз шарафини химоя қиладиган боксчиларимиз таркибини эълон қиламиз.

                                  ТЕРМА ЖАМОА ТАРКИБИ:

49 кг-да    Ҳасанбой Дўсматов   
52 кг-да    Жасур Латипов
56 кг-да    Муроджон Аҳмадалиев
60 кг-да    Элнур Абдураимов
64 кг-да    Иқболжон Холдоров
69 кг-да    Шаҳрам Ғиёсов
75 кг-да    Исроил Мадримов
81 кг-да    Бектемир Мелиқўзиев
91 кг-да    Санжар Турсунов
+91 кг-да  Баҳодир Жалолов

Бугун тонгда бокс бўйича ёшлар термажамоамиз аъзолари Таиланддан юртимизга қайтиб келишди. Жамоа аъзоларини кенг спорт жамоатчилиги, федерация мутасаддилари, боксчиларнинг оила-аъзолари ва ОАВ ходимлари тантанали равишда кутиб олишди. Албатта бу ғалаба ўз-ўзидан бўлгани йўқ. Тинимсиз изланиш, мураббийлар сайи харакати ва спортчиларнинг мукаммал тарзда ўтказган машғулотлари, юртимизда спортга берилган эътибор туфайли ёш боксчиларимиз қитъада тенгсиз дея эътироф этилди. Умумҳисобда 5 та олтин айнан юртимиз спортчиларига тегишли бўлгалиги  ҳам қувонарли.  Қитъанинг олтин медалларига  Фарруҳ Илҳомов, Лализбек Мулложонов, Самандар Ҳолмуродов, Ражаббой Атаназаров, Профсор Роримша жамоа учун қимматли медалларни тақдим этган бўлсалар, Абдумалик Ҳалаков, Темур Эргашев, Билолбек Мирзараҳимовлар  шоҳсупанинг иккинчи поғонасидан ўрин олишди.  Шунингдек  Саиджамшид Жаъфаров эса бронза медаль билан тақдирланди.Умумҳисобда биринчи ўринни эгаллаш албатта вакилларимиз учун катта маъсулият юклайди ва келгуси мусобақаларда ҳам ёш чарм қўл қоп усталари ғалабали одимларини давом эттиришиларига биз ишонамиз...
 Яна бир янгилик  Марат Қурбонов бошчилигидаги  асосий таркиб вакилларимиз Янгиобод ўқув базасида жаҳон чемпионати олди тайёргарликнинг навбатдаги босқичини якунлаб  бир хафталик танаффусга чиқдилар....

Бугундан  бошлаб  Қозоғистоннинг   Остона шаҳрида “Қозоғистон Республикаси Президенти кубоги ” халқаро турнири старт олади. 5-бор ташкил этилаётган мазкур халқаро мусобақада Ўзбекистон, Жанубий Корея, Хиндистон, Россия, Эрон каби 10 дан ортиқ мамлакатлардан етакчи чарм қўл қоп усталари АИБА  қоидаларига кўра  эркаклар 10 та вазн тоифасида аёллар эса 3 та яъни 51,60 ва 75 кг вазнларда   ғолиблик учун рингга кўтарилишади. Юртимиз терма жамоа  таркибидан аёллар ўртасида ўз вазнларида   Рахимова Турсуной, Мирзаева Ёдгорой ва  Аскарова Нафизахон, эркаклардан    Мирзахмедов Нодир, Кодиров Аброр, Шарахматов Абдулхай, Латипов Сулаймон, Комилов Улугбек, Мелибоев Фазлиддин, Ғоипов Махмуд, Мардонов Козим, Хасанов Мирзабек ва Исмаилов Рустамлар ўрин эгаллаган бўлиб мураббийлар ушбу боксчиларимизга катта ишонч билдиришган. Мураббийлар штабига назар соладиган бўлсак тажрибали ва ўз соҳасининг устаси   Саидов Рустам, Тожибоев Қўлдош, Атаков Нурадин ва Хасанов Дилмуродлар жой олишган. Халқаро турнирда Хамид Турсунов бевосита хакамлик қилади.
     

 Мусобақа жавдали 
 

                                      5 июн

 
14.00-14.50 Турнирнинг очилиш маросими
 
15.00-19.00  саралаш жанглари (эркаклар)

Бизнинг вақт билан эртага тонг саҳарда Гавана шаҳрида Бутунжаҳон Бокс серияси еттинчи мавсуми чорак финал доирасидаги марказий учрашув ўтказилади.
Унда ушбу мусобақанинг амалдаги ғолиби Кубанинг “Cuba Domadores” жамоаси мамлакатимизнинг “Uzbek Tigers” жамоаси боксчиларини қабул қилади. Бу икки жамоанинг бир ҳафта аввал Самарқандда бўлиб ўтган илк тўқнашувида чарм қўлқоп усталаримиз 3:2 ҳисобида зафар қучишган эди. Энди эса жавоб учрашувида қуйидаги боксчилар ўзаро рўбарў келишади.

“Cuba Domadores”- “Uzbek Tigers”

52 кг. Жасурбек Латипов – Йосбани Вейтиа
60 кг. Элнур Абдураимов – Альварес Эстрада
69 кг. Шаҳрам Ғиёсов – Рониэл Иглесиас
81 кг. Бектемир Мелиқўзиев – Хулио Ла Круз
+91 кг. Баҳодир Жалолов – Лардуэт Гомез

Агар икки учрашув натижасига кўра ҳисоб тенглашиб қолса, қўшимча жанг ўтказилади. +91 кг вазн тоифасида ташкил этилувчи мазкур жангда ҳамюртимиз Мирзобек Ҳасанов кубалик рақиби Яндри Тойракка қарши рингга кўтарилади. Фақат бу жангнинг ўтказилиши учун Куба жамоасининг 3:2 ҳисобида зафар қучиши талаб этилади.Эслатиб ўтамиз, мазкур жанг эртага тонг саҳар бизнинг вақт билан соат 05.30да бошланади.  

4-16 апрель кунлари Хитойнинг Хэбэй вилоятида мазкур мамлакат ва Ўзбекистон боксчилари иштирокида махсус ўқув-машғулот йиғини бўлиб ўтмоқда. Хитойликлар бу йиғинга мамлакатимизнинг энг кучли боксчи қизларини таклиф этган. Йиғинда жами 10 нафар боксчи – Фотима Турсунбоева, Турсуной Раҳимова, Азиза Ёқубова, Райҳона Қодирова, Гулноза Раҳматова, Ёдгорой Мирзаева, Мафтуна Мелиева, Нафиса Асқарова, Эъзоза Мелиева, Гавҳар Мирзаева иштирок этишмоқда. Бу боксчиларимиз мамлакатимиз терма жамоаси сафида жаҳон ва қитъа миқёсидаги мусобақаларда иштирок этиш учун тайёргарлик кўрмоқда.

Бокс кечаси. Муросасиз жанглар, мухлислар олқишию, мураббийлар хаяжони...WSB - Бутунжаҳон бокс серияларининг VII мавсумида иштирок этаётган "Uzbek Tigers" жамоаси ўз ғалабалари билан мухлислари олқишига сазовор бўлаётгани барчамизни бирдек қувонтираётгани бор гап. Ха чарм қўл қоп усталаримиз билан биз хар қанча фахрлансак арзийди. Шу кунгача "Ўзбек йўлбарслари" Тошкент шаҳрида ўтган учрашувларда гуруҳдаги рақиблари - Россиянинг "Patriot Boxing Team" ва Хитойнинг "China Dragons" жамоаларини бир хил - 5:0 ҳисобида мағлубиятга учратишнинг уддасидан чиқишди. Энди "Uzbek Tigers" боксчилари "С" гуруҳининг бешинчи тур учрашувида гуруҳ пешқадами "Astana Arlans Kazakhstan" жамоасини қабул қилади. 1 апрель куни Тошкентдаги "Ўзбекистон" спорт мажмуасида ўтказиладиган муҳим учрашувда"Uzbek Tigers" жамоаси шарафини қуйидаги боксчилар ҳимоя қилади.  49 килограмм вазнда Олимпия чемпиони -Ҳасанбой Дўсматов, 56 килограммда  Ўзбекистон чемпиони - Абдулҳай Шораҳматов, 64 килогаммда эса  Жаҳон чемпионати совриндори - Элнур Абдураимов, 75 килограммда Осиё ўйинлари кумуш медаль совриндори - Исроил Мадримовванихоят91 кгда  Ўзбекистон чемпиони - Зуҳриддин Маҳкамовғолиблик учун рингга кўтарилишади. Жуда маъсулиятли ва жиддий мусобақада жамоамиз аъзоларига омад тилаб қоламиз  ва сиз мухлисларни қўллаб қувватлашга чорлаймиз. Шу ўринда 

Рио олимпиадасидан сўнгбокс  турида биз дунёдаетакчимиз. Буни ҳеч бир мухлис ва мутахассис  инкор этмайди. Энди манашу мавқени ушлаб туриш  юртимиз чарм қўл қоп усталарининг  елкасидаги зиммасидир. Унинг устига халқаро хаваскорлар бокс уюшмаси айнан жорий йилги катталар ўртасидаги Осиё чемпионатини ўтказишни ҳам мамлакатимизга ишониб топширган. Қитъамизнинг мазкур нуфузли мусобақаси олдидан АИБА халқаро хаваскорлар бокс уюшмаси ҳамда Осиё бокс конфедерацияси ижроия қўмита аъзолари тайёргарликнинг бориши, мусобақа қайси спорт мажмуасида ўтиши, спортчиларни кутиб олиш, жойлаштириш ва уларнинг  иштироки, матбуот марказлари фаолияти, чемпионатнинг ярим финал ва финал жангларини тўғридан-тўғри уюшма сайтида ёритиб бориш масалалари каби бир қатор қизиқтирган саволларга жавоб олиш учун  Ўзбекистон бокс федерацияси мутасаддилари билан учрашди.

NARSI KISHEN MANGALDAS-Осиё чемпионати супервайзери
-         2015 йил юртингизда ўсмирлар ўртасида осиё чемипонати ташкил этилган ва мусобақанинг ўтиш жараёнига халқаро экспертлар юқори баҳо беришган эди. Катталар ўртасидаги

     The World Series Boxing (WSB) - Бутунжаҳон бокс серияларининг VII мавсумида “С” иштирок этаётган жамоалар 18 март куни тўртинчи тур учрашувларини ўтказади. Нуфузли мусобақада юртимиз шарафини муносиб ҳимоя қилаётган "Uzbek Tigers" боксчилари шу куни Тошкентда Хитойнинг "China Dragons" жамоасини қабул қилади.
     "Uzbek Tigers" жамоаси бўлажак учрашувга ўта кучли таркибни танлади.
 
     "Uzbek Tigers" жамоаси шарафини қуйидаги боксчилар ҳимоя қилади:
 
52 кг: Аброржон Қодиров - Ўзбекистон чемпионатлари совриндори
60 кг: Муроджон Аҳмадалиев - Олимпия ўйинлари совриндори
69 кг: Шаҳрам Ғиёсов - Олимпия ўйинлари кумуш медаль соҳиби
81 кг: Бектемир Мелиқўзиев - Олимпия ўйинлари кумуш медаль соҳиби
+91 кг: Баҳодир Жалолов - жаҳон чемпионати совриндори
 
     "Uzbek Tigers" жамоаси бош мураббийи Тўлқин Қиличев жамоанинг захирасига Ҳасанбой Латибохунов, Улуғбек Дусмуродов, Фазлиддин Мелибоев, Мадиёр Саидраҳимов ва Мирзобек Ҳасановни киритган.

     Мураббийлар штаби Тўлқин Қиличев, Раҳматжон Рўзиохунов ва Равшан Хўжаевдан таркиб топган.

     ОАВ ходимлари диққатига матбуот анжумани 17 март куни  "Гранд-Мир"  меҳмонхонасида соат 10:00 да  бошланади.
     "Uzbek Tigers" - "China Dragons" учрашуви эса 18 март куни “Ўзбекистон” спорт мажмуасида 18:30да бошланади.
 

Пойтахтимиздаги “Ўзбекистон” спорт мажмуаси бокс бўйича нуфузли турнир – Бутунжаҳон бокс серияси (WSВ)нинг VII мавсуми баҳсларига мезбонлик қилди. Унда мамлакатимиз шарафини ҳимоя қилаётган “Uzbek Тigers” жамоаси Россиянинг “Patriot boxing team” жамоаси билан куч синашди. 
4 март куни байрамона безатилган муҳташам спорт мажмуасига  чорлов садолари остида майдонга мусобақа иштирокчилари кириб келди.  Хаяжонли дақиқалар...... айтиш керак  Ўзбекистон бокс федерацияси иқтидорли спортчиларни аниқлаб, уларнинг маҳоратини янада ошириш мақсадида мамлакатимизда турли мусобақалар ўтказмоқда. Халқаро ҳаваскор боксчилар уюшмаси (АIBА) билан ҳамкорликда Бутунжаҳон бокс серияси йўналиши бўйича ҳамда яримпрофессионал боксчилар (АРВ) йўналиши каби турнирлар ўтган йиллар давомида кўплаб ёш боксчиларни кашф этишга хизмат қилди.   “Uzbek Тigers” ва “Patriot boxing team” жамоалари ўртасидаги беллашувларда боксчиларимиз нималарга қодирлигини яна бир карра исботлади. 
Беллашувларнинг 56 килограмм вазн тоифасида Абдулҳай Шораҳматов ва Дмитрий Шарафутдинов, 64 килограммда Элнур Абдураимов ва Радмир Абдураҳмонов, 75 килограммда Исроил Мадримов ва Ражаб Ражабов, 91 кг  Зуҳриддин Маҳкамов ва Ислом Текеев, 49 килограммда Ҳасанбой Дўсматов ва Батор Сагалуев ғолиблик учун ўзаро куч синашди.   Беш вазндаги жангларнинг барчаси кескин ва шиддатли тарзда ўтди. “Uzbek Тigers” жамоаси “Patriot boxing team” 5:0 ҳисобида мағлубиятга учратди. 
“Uzbek Тigers” жамоаси 18 март куни Хитойнинг “China Dragons” жамоаси билан беллашади.

Шу йилнинг  3-4  март кунлари пойтахтимиздаги  “Ўзбекистон”спорт мажмуасида бокс бўйича  VII  мавсумдаги навбатдаги учрашувлар ўтказилади.  The World Series Boxing (WSB) Бутунжаҳон бокс серияси   етакчи чарм қўл қоп усталаридан ташкил топган  - "Uzbek Tigers" жамоаси   Россиянинг "Patriot Boxing Team" жамоаси билан рўбарў келади... 3 март куни вазн ўлчаш, 4 март соат 18:30 да   жанглар бошланади. Бу матчда С1  -боксчилари 5 та вазн тоифасида рингга кўтарилишади...

         Жамоамиз аъзоларини қўллаб қувватлашни унутманг!
                            Мурожаат учун телефон:  +99895 144-70-07.
 
       Ҳурматли  ОАВ ходимлари 3 март куни  соат 10:00 да пойтахтимиздаги “Grand Mir” меҳмонхонасида   мураббийлар, спортчилар ва мутахассислар иштирокида матбуот анжумани ташкил этилади. Мусобақага аккредитациядан ўтиш учун Ўзбекистон бокс федерацияси матбуот хизматига мурожаат қилинг. Тел: +998983681971, +99890970791

Ўзбекистон “Миллий тикланиш” демократик партияси Марказий кенгаши, Олий Мажлис Қонунчилик палатасидаги партия фракцияси ҳамкорлигида Рио 2016 – Олимпия ўйинларида ғолиб ва совриндор бўлган боксчилар билан мулоқот ўтказилди.
Унда ЎзМТДП Марказий кенгаши ва Олий Мажлис Қонунчилик палатасидаги фракцияси аъзолари, партия фаоллари, “Ёшлар қаноти” ва “Аёллар қаноти” етакчилари, Ўзбекистон Бокс федерацияси вакиллари, Рио-2016 Олимпия ўйинлари совриндорлари, спорт усталари иштирок этди.
Истиқлол йилларида мамлакатимизда навқирон авлодни ҳар томонлама соғлом қилиб тарбиялаш, улар ўртасида спортни ривожлантиришга қаратилаётган доимий эътибор самарасида ўзбек бокс мактаби жаҳонда етакчилар қаторидан жой олди. Буни турли халқаро нуфузли мусобақаларда спортчиларимиз эришаётган муваффақиятларда ҳам яққол кўриш мумкин.
Тадбирда сўнгги йилларда мамлакатимиз боксчилари эришаётган муваффақиятлар салмоғи йилдан-йилга юксалиб бораётгани, спортни ёшлар ўртасида янада кенг оммалаштиришда Бокс федерацияси ҳамда

Тезкор ўзгаришлар замонида яшаяпмиз. Демак ўз-ўзидан мухлислар хам  спортчилардан ўзларини лол қолдира оладиган бахсларни кутиши табиий. Ўтган йилги мавсумдан бошлаб   юртимизнинг етакчи чарм қўл қоп усталари яъни  "Узбек тайгерс" жамоаси   Бутун жаҳон бокс серияси (WSB) дунёдаги бокс лигаларининг 10 та  вазн тоифасида энг яхши ҳаваскор боксчилар ўртасида профессионал даражадаги мусобақада илк бор иштирок этишди.  Илк мавсумда боксчиларимиз ярим финалга етиб борган ҳолда, мусобақанинг бўлажак чемпионлари "Куба Домадорес"га имкониятни бой бериб қўйгандилар.   
Айтиш керак  WSBнинг барча боксчиларида 

Хурматли  ватандошлар сизни Ўзбекистон бокс Федерацияси кириб келаётган 2017 йил билан чин қалбдан табриклайди. Кириб келаётган Янги йил хонадонингизга файзу-барака, сиз ва оила аъзоларингизни сихат-саломатлик, хотиржамлик, бахту саодат ва янгидан янги  ютуқлар олиб келсин.
Жамики яхши ниятларингиз ижобат бўлишига тилакдошмиз!

Швейцариянинг Монтре шахрида бўлтб ўтган AIBAнинг 70 йиллик юбилей тадбирида AIBA ижроия қўмитаси аъзоси, Осиё бокс конфедерацияси вице-президенти, Ўзбекистон бокс федерацияси раисининг биринчи ўринбосари Ш.Р. Ташматов AIBA WSB йўналиши бўйича йилнинг энг яхши жамоа мукофотини « Cuba Domadores» га топширди. Эслатиб ўтамиз WSB йўналишининг VI мавсуми финали Тошкентда 2016 йил 4 июнь куни «Ўзбекистон» спорт мажмуасида бўлиб ўтган. Унда «Cuba Domadores» жамоаси «British Lionhearts» жамоаси устидан ғалаба қозониб чемпион бўлган эди.

Кеча Швейцариянинг Халқаро ҳаваскор боксчилар ассоциацияси (AIBA)нинг йил якунларига бағишланган маросими бўлиб ўтди.
Қувонарлиси, 49 кг вазн тоифасида Рио Олимпиадаси чемпиони Ҳасанбой Дўсматов AIBA томонидан «Йилнинг энг яхши боксчиси»  (AIBA Best men boxer 2016) деб топилиб, махсус мукофот тантанали равишда топширилди.
Ҳамюртимиз ўтказилган сўровномада 77 фоиз овоз билан яққол пешқадам сифатида ғолиб бўлди. Иккинчи ўринни 18 фоиз овоз билан қозоғистонлик Олимпиада чемпиони Данияр Елиусинов эгаллади.
Кубалик чемпион Робейси Рамирес