Мусобақалар тақвими

    Тақвим

    Сайт бўйича қидирув

    Спонсорлар

    Спонсоры

    Янгиликлар

    Пойтахтимизда катта спорт тадбири бошланди.


    Бугундан бошлаб пойтахтимизда  Халқаро бокс ассоциацияси ижроия қўмитасининг навбатдаги йиғилиши ўз ишини бошлади.
    Ижроия қўмитаси АИБАнинг юқори бошқарув органи бўлиб, мусобақаларни ўтказиш қоидалари ва техник низомлар, ташкилотнинг ички иш юритиш тартиби, ташкилотга аъзо бўлган  федерациялар билан ишлаш ҳамда халқаро мусобақалар мезбонларини аниқлайди.
    Ушбу анжуманнинг аҳамиятли жиҳати шундаки, у илк маротаба юртимизда ташкил этилган бўлиб, йиғилишнинг дастлабки кунида АИБА бўлимларининг ҳисоботлари ўқиб эшиттирилди.  Шунингдек, Ўзбекистон бокс федерацияси раис ўринбосари  Ташматов  Шерзод  Рихсибаевич ташкилот ижроия қўмитасининг тўлақонли аъзо этиб сайланди.  Аҳамиятли жиҳати энди, Шерзод Ташматов АИБА ижроия қўмитасида кўриладиган барча масалаларда овоз бериш хуқуқига эга бўлди. Албатта бу даражадаги эътибор юртимизда бошқа спорт турлари қатори боксга ҳам берилган юқори эътирофдан  далолатдир.
    Анжуман ўз ишини давом эттирмоқда. 16-июль куни ижроия қўмита аъзолари иштирокида матбуот анжумани ташкил этилиб, қабул қилинган қарорлар, низомдаги ўзгаришлар, ҳисобот натижалари  кенг жамоатчиликка эълон қилинади. 
    Шуни таъкидлаш керакки, олимпия оиласига мансуб бўлган ушбу спорт тури бўйича, Рио мезбонлик қиладиган тўрт йилликнинг нуфузли мусобақасида бокс бўйича терма жамоамиз аъзолари илк маротаба тўлиқ таркиб билан рингга кўтарилишади ва юртимиз аёллар боски тарихида ҳам биринчи бор мазкур мусобақада ўз вазнида Ёдгорой Мирзаева  имкониятини синовдан ўтказади.
    Подробнее

    Бутунжаҳон бокс сериясининг VI мавсум финал жанглари Тошкентда ўтказилади


    Шу йилнинг 4 июн куни  Бутунжаҳон бокс сериясининг   VI мавсум финал  учашувига йўлланма олган икки етакчи    "Cuba Domadores"  ҳамда   "British Lionhearts" жамоа  аъзолари  бош соврин учун  ўзаро  рўбарў келишади.  WSB АИБА, Ўзбекистон бокс федерацияси, Маданият ва спорт ишлари вазирлиги  шунингдек  Миллий олимпия қўмитаси  мусобақа ташкилотчилари ҳисобланишади. 
    Ушбу  турнир хаваскор боксчиларни профессионал йўналишда ўз имкониятларини синовдан ўтказиш хуқуқини беради ва бахслар 10 та вазн тоифасида ўтказилади. Шунингдек бу  турнир  тўрт йилликнинг нуфузли мусобақасига йўлланма бериши билан ҳам ахамиятлидир. Турнир низомига кўра ҳар бир жамоа икки гуруҳга бўлинган  ва  боксчилар 3 дақиқадан иборат  5 раунд  давомида жанг ўтказади.
    С1 жамоасида боксчилар: 49 кг, 56 кг, 64 кг, 75 кг, 91 кг
    С2 жамоасида боксчилар: 52 кг, 60 кг, 69 кг, 81 кг, +91 кг вазн тоифаларида рингга кўтарилишади.  4 июн куни ўтказиладиган бахс ҳам 10 та вазнда ташкил этилиб мабодо жамоа аъзолари бир ҳил очкога эга бўлсалар унда қўшимча учрашув бўлиб ўтади.

    Ҳурматли ОАВ ходимлари сизлар учун  ушбу катта бокс кечаси  олдидан 3-июн куни соат 10:00 да  пойтахтимиздаги “WYNDHAM TASHKENT” меҳмонхонасида  матбуот ажумани ташкил этилади.
    Подробнее

    ЗАФАРЛИ ОДИМЛАР


    8-май куни  ёшлар ўртасидаги  Осиё чемпионатида ғолиблар номи маълум бўлди.  Қозоғистон мезбонлик қилган ушбу қитъа биринчилигида  10 дан ортиқ мамлакатларнинг умидли боксчилари рингга кўтарилганлигидан хабарингиз бор. Жамоамиз аъзоларидан финалгача муваффақиятли етиб келганлари кўпчиликни ташкил қилди. Улар орасида  60 кгм вазн тоифасида  Билолбек Мирзарахимов  Хиндистонлик рақиби  Дахия Анкушни 3:0 ҳисобида мағлубиятга учратиб  дастлабки олтин медални жамоага тақдим этди. 69 кгм вазн тоифасида бахсларга киришган Улуғбек Собиров ҳам мезбон боксчи  Олег Майветчукни 2:1  ҳисоби билан рингдан бош эгиб чиқиб кетишга мажбур қилди. Шунингдек 81 кгм вазнда Санжар Турсунов Хиндистон жамоасининг яна бир вакили Реал Пурини олтин медалдан махрум қилди.  Жамоамиз аъзоларидан    Отабек  Холматов, Шохруз Рахимов, Абдулла Худоргановлар  Осиё чемпионатининг кумуш медаллари билан тақдирланишди.   Умумжамоа  ҳисобида  юртимизнинг ёш чарм қўл қоп усталари иккинчи ўринни эгаллашди. Вакилларимиз 10 май куни  22:00 да юртимизга қайтиб келишади.....
                                
    Ғалаба муборак юртдошлар!!!

    Подробнее

    Осиё чемпионатида навбатдаги кун жанглари ортда қолди.....


     Кеча Қозоғистонинг Павлодар шаҳридаги   “Астана” номли муз саройида Осиё чемпионатининг учинчи кунги бахслари ортда қолди. Саралаш учрашувларида ўз вазн тоифаларида юртимизнинг иқтидорли боксчиларининг барчаси яъни  Мирзарахимов Билолбек, Худорганов Абдулла, Холматов Отабек, Рустамов Шохрухбек рақибларини  рингдан бош эгиб чиқиб кетишга мажбур қилган ҳолда кейинги давра ўйинларига йўлланма олишди. Бугун ҳам жамоамиз аъзоларидан  56 кгмда  Шунқор Абдурасулов  Тайванлик Плума Вангхлакланга қарши рингга кўтарилса  81 кгм оғирликдаги вазнда  Турсунов Санжар  Туркманистонлик  чарм қўл қоп устаси билан рўбарў келади... Биз вакилларимизга ушбу жангларда омад тилаб қоламиз.....
    Подробнее

    Осиё чемпионати тобора қизғин паллага кирмоқда.....


    Айни кунларда  Қозоғистоннинг Павлодар шаҳри  бокс бўйича ўсмирлар ўртасидаги Осиё чемпионатига мезбонлик қилаётганлигидан хабарингиз бор. Кеча мусобақанинг иккинчи кунги жангларида  56 кгм вазн тоифасидаги жамоамиз аъзоси Шунқор Абдурасулов рақиби Кореялик  Чои Минсуни 3 раундда техник нокаут холатига туширган бўлса, 60 кгм оғирликдаги вазндаги жангда хамюртимиз  Билолбек Мирзарахимов  таиландлик  Руамтхама Сакдани рингдан бош эгиб чиқиб кетишга мажбур қилди. Шунингдек ўз вазнида  Зиёдбек Ўролов ҳам 3:0 хисоби билан рақиби  Япониялик  Аромото Иссеи устидан ғалаба қозонди....

    Афсуски  52 кгмда бахсларга киришган  Рахматилла Қўзиев эса   Тсутсуми Хоято қаршилигини  енга олмай мусобақани шу ерда тўхтатишга мажбур бўлди...        

    Бугун   рингга  умидли боксчиларимиздан   60 кгм вазн тоифасида  Билолбек Мирзарахимов, Филлипинлик  Чеваса Рональда билан, +91 кгмда Суриялик Ахмад Серейха билан, 49 кгмда Отабек Холмматов эса Тайванлик Хсу Ченг-Ю билан шунингдек  75 кгмда  Шоҳруҳ Рустамов эса Эрон давлати шарафини химоя қилаётган  Ризо Хусан Ния   билан кейинги босқичга чиқиш масаласини ҳал қилиб олишади....Умидли ёшларимизга ушбу бахсларда омад тилаб қоламиз.....

    Подробнее

    “Uzbek Tigers” жамоаси ярим финал жангларини ўтказади.....


    5-6 май кунлари Кубанинг Гавана шаҳрида  The World Series Boxing (WSB), яъни Бутунжаҳон Бокс сериясининг олтинчи мавсум ярим финал жангларида юртимизнинг  “Uzbek Tigers” жамоаси, “Cuba Domadores”жамоаси аъзоларига қарши рингга кўтарилишади. 5-май куни С1 гуруҳида 5 та жанг ташкил этилади.  Унга кўра

    49 кг: Мирзахмедов Нодиржон - Аргилагос Джаханос
    56 кг: Ахмадалиев Муроджон – Ромирез Робейси
    64 кг: Ғоибназаров Фазлиддин – Олива Генер Луис
    75 кг: Хақбердиев Улуғбек – Лопес Арлен
    91 кг: Хасанов Мирзабек – Савон Эрисленди билан рўбарў келишса



    6- май  куни  С2 гуруҳида:
     
    52 кг: Қодиров Аброржон – Вейтиа Эосбани,
    60 кг: Абдураимов Эльнур – Алварез Эстрада,
    69 кг: Ғоипов Махмуд – Эглесиас Рониэль,
    81 кг: Абдуллаев Шухрат – Ла Круз Джулио,
    +91 кг: Абдуллаев Мирзохиджон – Перо Джустиз Лениер билан  муносабатларга ойдинлик киритиб олишади.


    Агарда ушбу учрашувлар натижасига кўра томонлар  бир хил балл тўплашган бўлса унда  ғолиб жамоа номини  52 кгм вазн тоифасидаги  Улуғбек Дўсмуродов ва  Мартинез Раби Армандолар жангидан сўнг маълум бўлади.... бу жангларда биз юртимизнинг етакчи боксчиларига омад тилаб қоламиз.
                
    Эслатиб ўтамиз иккинчи ярим финал учрашувида  Қозоғистонлик боксчилар Буюк Британия  жамоаси билан финал йўлланмаси учун харакат қилишади... 

    Подробнее

    Осиё чемпионати иқтидорлиларни сараламоқда.....


    Айни кунларда  Қозоғистоннинг Павлодар шаҳрида бокс бўйича ўсмирлар ўртасидаги Осиё чемпионати кучлиларни саралмоқда. Мазкур мусобақада қитъамизнинг 18 давлатидан 113 нафар ёш чарм қўлқоп усталари ғолиблик учун рингга кўтарилишяпти. Дастлабки саралаш жангларини  49 кг. ва 75 кг. вазн тоифасидаги боксчилар  бошлаб беришди. Унга кўра  49 кг.да юртимиз шарафини ҳимоя қилаётган Отабек Холматов илк жангини Шри-ланкалик Поди Араччиге Рукмалга қарши ўтказиб 3:0 ҳисобида  кейинги босқичга йўл олди.  Бугун эса  56 кгм вазн тоифасидаги жамоамиз аъзоси Шунқор Абдурасулов Кореялик  Чои Минсу билан, 64 кгмда Зиёдбек Ўролов, Япония жамоасидан Аромото Иссеи билан муносабатларга ойдинлик киритиб олса, 52 кгмда Рахматилла Қўзиев ҳам кун чиқар юрт вакили  Тсутсуми Хоято, 60 кгм оғирликдаги вазнда  эса  Билолбек Мирзарахимов  таиландлик  Руамтхама Сакдага қарши рингга кўтарилишади.      

    Осиё чемпионатида иштирок этадиган терма жамоамиз аъзолари:

    49 кг.: Отабек Холматов
    Подробнее

    Ярим финал жанглари


    Аввал хабар берганимиздек, The World Series Boxing (WSB), яъни Бутунжаҳон Бокс сериясининг олтинчи мавсумида муваффақиятли иштирок этаётган “Ўзбек йўлбарслари” жамоаси чорак финалда Россиянинг “Russian Boxing Team” жамоаси меҳмони бўлиб, 6:4 ҳисобида ғалаба қозонган эди. Энди ушбу мусобақада илк маротаба қатнашаётган жамоамиз ярим финал баҳсини Куба пойтахти Гавана шаҳрида ўтказади. Бундай қарорга мусобақа ташкилотчилари келишган. 5 ва 6 май кунлари Гаванадаги “Coliseo Ciudad Deportiva” аренасида  “Uzbek Tigers” жамоаси “Cuba Domadores” боксчиларига қарши рингга кўтарилади.   Дастлабки кун 5та, 6 май куни эса яна 5та вазн тоифасида жанглар ташкил этилади. Икки кунлик жанглар натижасига кўра финалга йўлланма олган жамоа номи маълум бўлади. Куба жамоаси чорак финалда Мексика боксчиларидан 10:0 ҳисобида устун келганди.Маълумотларга кўра, Гаванага терма жамоамизнинг етакчи боксчиси, 49 кг вазн тоифасида Рио-2016 Олимпиадаси йўлланмасини қўлга киритиб улгурган Ҳасанбой Дўсматов бормайди. Терма жамоа мураббийлари Олимпиада олдидан эҳтимолли жароҳатларнинг олдини олиш мақсадида асосий таркиб боксчиларига дам беришлари ҳам мумкин.
    Подробнее

    Чорак финал. “Russian Boxing Team” vs “Uzbek Tigers”


    23 апрел куни  Россиянинг Уляновск шаҳридаги “Волга- спорт- Арена” муз саройида чорак финал баҳсларининг VI мавсумидаги The World Series Boxing (WSB)  жамоавий турнири ўтказилди.  Унда Юртимизнинг  "Uzbek Tigers" чарм қўл қоп усталари  Россиянинг  "Russian Boxing Team" жамоасига қарши рингга кўтарилишди. Шундай қилиб С2 гуруҳридаги 5 та жангда кучлилар сараланди. Унга кўра  

    52 кг: Зоиров Шахобиддин - Карен Арутюнян - 3:0
    60 кг: Абдураимов Эльнур - Джамал Бадрутдинов - ТКО 2R,
    69 кг: Ғиёсов Шахрам - Альберт Карибян - 0:3,
    81 кг: Абдуллаев Шухрат - Имам Хатаев - 0:3,
    +91 кг: Абдуллаев Мирзохиджон - – Андрей Афонин - 3:0.
    натижаси  билан Ўзбек йўлбарслари  зафар қучишди....   Ғалаба муборак боксчилар!!!


    Энди  "Uzbek Tigers"жамоаси хақли равишда  ярим финалда иштирок этишади.  Бу учрашувда етакчи боксчиларимиз  чорак финалда Мексика жамоасини рингдан бош эгиб чиқиб кетишга мажбур қилган  Куба жамоаси билан рўбарў келишади.  Жамоавий Жаҳон чемпионатининг  иккинчи жуфтлик ярим финалида   Қозоғистон ва Буюкбритания  жамоалари  финал йўлланмаси учун рингга кўтарилишади. Бугун 25 апрел куни куннинг иккинчи ярмида жамоамиз аъзолари юртимизга қайтиб келишади.  
    Подробнее

    Чорак финал. “Russian Boxing Team” vs “Uzbek Tigers”


    22 ва 23 апрель кунлари Россиянинг Ульяновск шаҳридаги “Волга-Спорт-Арена” муз саройида Бутунжаҳон Бокс серияси (WSB) олтинчи мавсуми чорак финали доирасидаги марказий учрашув бўлиб ўтади. Унда мусобақада илк маротаба иштирок этаётган “Uzbek Tigers”, яъни “Ўзбек йўлбарслари”  жамоаси Россиянинг “Russian Boxing Team” жамоаси меҳмони бўлади.
    “Ўзбек йўлбарслари” жамоаси гуруҳда иккинчи ўринни эгаллаган бўлса, россиялик боксчилар ўз квартетлари ғолибига айланишган эди. “Ўзбек йўлбарслари” таркиби терма жамоамиз делегацияси Ульяновск шаҳрига жўнаб кетишидан икки кун олдин эълон қилинади.
    Эслатиб ўтамиз, Бутунжаҳон Бокс сериясининг VI мавсуми якунида шахсий рейтинг бўйича 10та вазн тоифасида 17 нафар боксчига олимпия ўйинлари йўлланмалари тақдим этилади.
    Подробнее

    Ғалаба нашидаси..........


    Ғалаба нашидаси у жуда тотли ва қадрли бўлса ушбу ғалаба учун бўлган йўл ҳам  шунчалик машаққатли бўлади....Ҳа юртимиз чар қўл усталари,мураббийлар ва мутасаддилар   Рио олимпиадаси йўлланмаларини қўлга киритиш учун  тинисиз изландилар, бор имкониятларидан унумли фойдаландилар... Натижаси эса Хитой мезбонлик қилган  Осиё-Океания Олимпия саралаш мусобақасида 5 олтин ва 2 кумуш медални вакилларимизга тегишли бўлди.  Энг қувонарлиси эса энди Ўзбек бокс тарихида илк бор  жамоамиз аъзолари тўрт йилликнинг нуфузли мусобақасида  тўлиқ таркиб билан иштирок этадиган бўлишди.
    5 апрел. Куннинг иккинчи ярми.  Тошкент халқаро аэропорти ўзгача шукух ва файзга эга бўлди. Спортчиларнинг оила аъзолари, кенг спорт жамоатчилиги,  оммавий ахборот воситалари ходимлари, спорт муҳлислари терма жамоамиз аъзоларини тантанали равишда кутиб олишди. Айтиш керак Чин ўлкасида ўтган нуфузли мусобақада   ўттиздан зиёд давлатдан жами 226  нафар етакчи  боксчилар совринли ўринлар билан бирга Рио-де-Жанейро шаҳри мезбонлик қиладиган XXXI ёзги Олимпия ўйинлари йўлланмалари учун рингга кўтарилишди.
    Мусобақада Ҳасанбой Дўсматов, Шаҳобиддин Зоиров, Шахрам Ғиёсов, Элшод Расулов, Рустам Тўлаганов ўз вазн тоифасида шоҳсупанинг энг юқори поғонасига кўтарилди.   Баҳодир Жалолов кумуш медаль билан тақдирланди.
    Хотин-қизлар ўртасидаги баҳсларда қатнашган Ёдгорой Мирзаева ўз вазн тоифасида иккинчи ўринни эгаллаб, Олимпия ўйинларига йўлланма олди. Ёдгорой мамлакатимиз хотин-қизлари орасидан Олимпиадада қатнашадиган (илк қалдирғоч) биринчи боксчи қиз бўлди.Эришилган ушбу натижалар юртимизда спортга берилаётган эътиборнинг  самарасидир деб бемалол айта олишимиз мумкин.... Ғалаба муборак!!!
    Подробнее

    Ўзбек бокси тарихида янги саҳифа очилди....


    ...Бокс бўйича Ўзбекистон терма жамоаси Хитойнинг Куинан шаҳрида ўтказилган Осиё ва Океания минтақасининг лицензион турниридаги иштирокини муваффақиятли якунлаганидан хабарингиз бор. Қизиқарли ва муросасиз жанглар натижасига кўра  5 та олтин 2 та кумуш медали ҳамда   Рио олимпиадасига 7 та йўлланмани нақд қилган  боксчиларимиз эртага куннинг иккинчи ярмида  юртимизга қайтиб келишади. Албатта бокс тарихига назар соладиган бўлсак спортчиларимиз тўрт йилликнинг нуфузли мусобақасида  илк бор тўлиқ таркиб билан иштирок  этадиган бўлишди. Бу эса ўзбек  боксида янги қадам қўйилганлигидан далолат беради....  Эслатиб ўтамиз Хитой мезбонлик қилган турнирда ўз вазнларида  Элшод Расулов, Шаҳрам Ғиёсов, Шаҳобиддин Зоиров, Ҳасанбой Дўсматов ҳамда Рустам Тўлаганов олтин, Баҳодир Жалолов билан Ёдгорой Мирзаева кумуш медали соҳиби бўлишган.....

    Подробнее

    Ғалаба муборак !!!


    Бугун бокс бўйича Ўзбекистон терма жамоасининг тўрт нафар вакили Хитойнинг Куинан шаҳрида Рио Олимпиадаси ўйинларининг йўлланмалари учун ўтказилаётган Осиё ва Океания қўшма лицензион чемпионатининг финал баҳсида иштирок этишди. Охирги бўлиб рингга кўтарилган Элшод Расулов  81 кг-м ҳал қилувчи баҳсда қозоғистонлик Адилбек Ниязимбетов билан куч синашди. Муросасиз кечган баҳсда Элшод рақибидан 2:0 ҳисобида устун келди. 28:28, 29:28, 29:28.  Шундай қилиб, турнирнинг финал баҳсларида Элшод Расулов қатори  Ҳасанбой Дўсматов (49 кг.), Шахобиддин Зоиров (52 кг.), Шахрам Ғиёсов (69 кг.) ва Элшод Расулов (81 кг.) эгалик қилишди.  Эслатиб ўтамиз, эртага, 2 апрель куни бўлиб ўтадиган финал жангларида Ёдгорой Мирзаева (-51 кг.) хитойлик Канкан Рен билан, Рустам Тўлаганов (-91 кг.) хитойлик Фенгкай Ю билан ва ниҳоят Баҳодир Жалолов (+91 кг.) қозоғистонлик Иван Дичко билан баҳс юритади.  
    Подробнее

    Чарм қўл қоп усталаримиз зафарли юришларини давом эттиришмоқда...


    Хитойнинг Куинан шаҳрида аёллар ва эркакаар уртасида ўтаётган лицензион  мусобақада вакилларимиз ўзларига билдирилган ишончни оқлаб  финал йўлланмаларига эга бўлишди.  Жумладан  49 кгмда рингга кўтарилган  Хасанбай  Дўсматов  Мўғилистонлик рақиби Гангхуага Ган-Ерденени имкониятсиз қолдирган бўлса 52 кгм вазнда Шахобиддин  Зоиров эса Қирғизистонлик боксчи Озод  Усеналиевни, Шахрам  Ғиёсов  Филлипин терма жамоаси аъзоси Марсиал Эмир Фелих Делос Сантосни рингдан бош эгиб чиқиб кетишга мажбур қилди.  Тажрибали спортчимиз 81 кг-м вазнда Элшод   Расулов   иккинчи раунддаёқ  рақиби Қирғизистонлик Эркин Одилбек ўғлини  техник нокаут холатига  тушириб муддатидан илгари  финалга йўл олди.  Худди шундай хол 91 кгм вазн тоифасидаги иқтидорли спортчимиз Баҳодир Жалолов ва Эронлик боксчи Сепахванди Абдулмаджид ўртасида жангда кузатилди ва хамюртимиз учинчи раундда  рақибини техник нокаут холатига туширди. Шундай қилиб бокс бўйича терма жамоамиз аъзолари Рио олимпиадасига йўлланмаларни нақд қилишди.... Осиё-Океания турнининг финал жанглари бугун 1-апрел ва эртага 2-апрел кунлари бўлиб ўтади ва биз вакилларимизга ҳал қилувчи жангларда ҳам омад тилаб қоламиз.....
                              Ғалаба муборак  бокс муҳлислари!!!
    Подробнее

    Ёдгорой Мирзаева ўзбек аёллар бокси тарихида Олимпиада йўлланмасини қўлга киритган илк боксчига айланди


    Хитойнинг Куинан шаҳридаги "Tangshan Jiujiang" спорт мажмуасида Олимпиада йўлланмалари учун кечаётган турнирда аёл  боксчиларимиздан бири  финал йўлланмасини қўлга киритди. 51 кг-м  вазн тоифасида юртимиз шарафини ҳимоя қилаётган Ёдгорой Мирзаева ярим финал баҳсида Хитой Тайпейи вакиласи Ли Ю-Тингга қарши рингга кўтарилиб, қийин ўтган баҳсда 2:1 ҳисобида ғалаба қозонишнинг уддасидан чиқди ва финал йўлланмасини қўлга киритди. Айтиш керак  Ёдгорой ўзбек аёллар бокси тарихида 51 кг. вазнда Олимпиада йўлланмасини киритган илк спортчи бўлди...Унинг олтин медал учун кечадиган ҳал қилувчи баҳсдаги рақибаси эса хитойлик Рен Канкан бўлади.
    Подробнее

    Рио олимпиадаси йўлланмалари учун жанглар қизғин кечмоқда...


    Хабарингиз бор, айни дамда бокс бўйича Ўзбекистон терма жамоаси вакиллари Хитойнинг Куинан шаҳридаги "Tangshan Jiujiang" спорт мажмуасида Олимпиада йўлланмалари учун мувафаққиятли юришларини давом эттирмоқда....
    Кеча  ўтказилган жангларда ҳам боксчиларимиз ғалаба қозониб, мусобақанинг ярим финал иштирокчисига айландилар.
    49 кг. вазн тоифасида юртимиз шарафини  химоя қилаётган Ҳасанбой Дўсматов чорак финалида индонезиялик Квангу Корнелисни, Шахобиддин Зоиров (52 кг.) япониялик Рёмей Танакани, Шахрам Ғиёсов кореялик Ли Донг Жинни, Элшод Расулов (81 кг.) тожикистонлик Навруз Жафоевни, Рустам Тўлаганов (91 кг.) янги зеландиялик Давид Нйикани, Баҳодир Жалолов эса хитойлик Му Хаупенгни 3:0 ҳисобида мағлуб этиб ярим финалга йўл олишди.
    Хотин-қизлар беллашувида зафарли юришини давом эттираётган боксчимиз Ёдгорой Мирзаева шимолий кореялик рақибаси Ри Хянг Мига ҳеч қандай имконият қолдирмай ярим финалга йўл олди.

               Мусобақа жадвали
    31 март – 6 кунЯрим финал
    1 апрел. Финал (-49, -52, -56, -69, -75, -81) + Box off
    2 апрел. Финал (-60, -64,-91, +91, -51а, -60а, -75а) + Box off

    Эслатма:Мазкур турнирда Осиё ва Океаниядан энг кучли боксчилар Рио-де-Жанейрода бўлиб ўтадиган Олимпиада-2016 лицензияси учун кураш олиб борадилар. Унда 1-3 ўринни олган чарм қўлқоп усталари Олимпия ўйинлари йўлланмасига эга бўладилар

    Подробнее

    БОКСЧИЛАРИМИЗНИНГ ЗАФАРЛИ ОДИМЛАРИ ДАВОМ ЭТМОҚДА


    Пойтахтимиздаги “Ўзбекистон” спорт мажмуасида Бутунжаҳон бокс серияси – WSВ ва яримпрофессионал боксчилар – АРВ йўналишида баҳслар  бўлиб ўтди.

    Ўзбекистон Республикаси Маданият ва спорт ишлари вазирлиги, Миллий олимпия қўмитаси, мамлакатимиз бокс федерацияси ҳамда Халқаро ҳаваскор боксчилар уюшмаси – АIBА ҳамкорлигида ташкил этилган турнирда Ўзбекистон, Озарбайжон, Ирландия, Туркия, Эрон каби давлатлардан энг кучли чарм қўлқоп усталари баҳслашди. 

    19 март куни “Ўзбекистон” спорт мажмуасида мазкур нуфузли мусобақаларнинг тантанали очилиш маросими бўлиб ўтди. 

    Мусобақанинг очилишидан сўнг WSB йўналишидаги баҳсларда “Uzbek Тigers” ва "Azerbaijan Baku Fires" жамоаси ўртасидаги жанглар ўтказилди. 

    Унда вазни 49 килограмм бўлган боксчилар ўртасида ҳамюртимиз 

    Подробнее

    Матбуот анжумани ўтказилди

    Бугун пойтахтимиздаги Wyndham меҳмонхонасида 19 март куни ўтадиган бокс кечаси  олдидан ОАВ ходимлари учун матбуот анжумани ташкил этилди. Анжуманда ташкилотчилар  журналистларни қизиқтирган саволларга атрофлича жавоб қайтарар эканлар ушбу жанглар барча иштирокчилар учун жуда муҳим эканлигини таъкидлаб,тайёргарлик  жараёнлари юқори савияда ўтганлиги маълум қилинди.  WSВ– Бутунжаҳон бокс серияси йўналишининг “D” гуруҳидаги  навбатдаги учрашувда  Ўзбекистоннинг “Uzbek Тigers” жамоаси аъзолари   Озарбайжоннинг "Azerbaijan Baku Fires"жамоаси вакилларига қарши рингга кўтарилишади. Айтиш керак Боку мезбонлик қилган дастлабки жангда жамоамиз аъзолари 3:2 ҳисобида имкониятни бой беришган бўлсада ўтган учрашувлар натижасига кўра ўз гуруҳида улар  пешқадам бўлиб туришибди. Эртага бўладиган жангларда қуйидаги боксчилар жангларга киришишади. 
                                              
                                              49 кгм вазнда

      Нодир Мирамухаммедов /Ўзб/ – Расул Салиев /Озарбайжон/
                                             56 кгм вазнда
     Абдулхай Шорахметов /Ўзб/  - Иараш Магомедов /Озарбайжон/
                                             64 кгм вазнда
     Фазлиддин Мелибоев /Ўзб/   -  Заур Абдуллаев  /Озарбайжон/
                                             75 кгм вазнда
    Улуғбек Хақбердиев /Ўзб/ -  Левани Лукхуташвили/Озарбайжон/
                                              91 кгм вазнда
    Сардорбек Бегалиев /Ўзб/ -  Хажди Муртузалиев /Озарбайжон/

    WSB турнирининг матбуот анжуманидан сўнг  APB йўналиши бўйича ҳам матбуот анжумани бўлиб ўтди.  APB йўналишида иккинчи мавсум навбатдаги жанглари ҳам одатга кўра АИБА қоидалари асосида 6 ва 8 раунд 3 дақиқадан ўтказилади. Турнирда учта учрашув бўлиб унда ҳамюрларимиздан 52 кгм вазнда  Жасурбек Латипов-  Эронлик S. Mohammadpour га қарши 8 раунд давомида жанг олиб борса, 64 кгмда Иқболжон Холдоров  Ирландиялик  R.Moylette билан 69 кгмда  тажрибали боксчимиз Дилшод Махмудов эса Туркиялик О.Sipal га қарши 6 раундли баҳсларни ўтказишади.......
    Подробнее

    Ассалом Наврўз !!!


                                         Ассалом  НАВРЎЗ!!!                            

                               Баҳордан бошланар гўзаллик фасли,

                               Йилнинг илк тонгидир оламда асли.
                               Наврўзни хуш кўрган хуш яшар абад,
                               Бахтга мушаррафдир ул инсон насли!


         Бахор... якинлар мехрини хис этгувчи тароватли фасл. Уни барчамиз бирдек интиқлик билан кутганимиз бор гап.... Баҳор  хар бир инсон қалбига ажойиб манзарани мухрлайди. Ҳар биримиз янгиланиш ва ёшариш завқи билан яшашга интиламиз, умид қиламиз.... айни меҳмон бўлиб турган кўклам таровати эса ушбу умидни сахийлик билан тутқазадиган самимий ва олийжаноб хислатларга бой бўлган онлар.... Теварак атрофга назар солинг табиатнинг ажиб бир қўшиғига хамоҳанг бўлгингиз у каби тебраниб баҳор ойнинг нафис тафтидан барха олишга интилаётган кўзмунчоқ сингари  кўнгилни очишга интилаётган гуллар ифори сизни мафтун этмасдан қўймайди. Ариқларнинг четида сувлар

    Подробнее

    Катта бокс байрамига марҳамат....


    Бокс мухлислари ва ОАВ ходимлари диққатига  19 март куни “Ўзбекистон”спорт мажмуасидабокс бўйича WSВ– Бутунжаҳон бокс серияси йўналиши бўйича Ўзбекистоннинг “Uzbek Тigers” ва Озарбайжоннинг "Azerbaijan Baku Fires" жамоаларининг  чарм қўлқоп усталари ўртасидаги баҳслар бўлиб ўтади.
    Мазкур мусобақа Ўзбекистон Республикаси Маданият ва спорт ишлари вазирлиги, Миллий олимпия қўмитаси, мамлакатимиз бокс федерацияси ҳамда  Халқаро  ҳаваскор боксчилар уюшмаси – АIBА ҳамкорлигида ташкил этилади.  Шунингдек  ушбу бокс кечасида  APB турнирида   учта жанг бўлиб ўтади. Турнирда
     юртимиз  боксчилари  Туркия, Эрон ва Ирландиялик спортчиларга қарши рингга кўтарилишади. 18-март куни эса ОАВ ходимлари учун мусобақа олди матбуот анжумани ўтказилади.
    Подробнее
     

    Бокс тарихи

    Боксни ривожлантириш қўллаб - қувватлаш жамғармаси

    Ҳалқаро Бокс Уюшмаси

    Боксни қаерда ўрганса бўлади

    Ўзбекистон боксни ривожлантириш қўллаб - қувватлаш жамғармаси ёрдамида

    Сайтни яратиш Brand.uz